ភ្នំពេញ: នៅព្រឹកថ្ងៃសៅរ៍ ទី១០ ខែកក្កដា ឆ្នាំ២០២១នេះ វ៉ាក់សាំងប្រយុទ្ធប្រឆាំងជំងឺកូវីដ-១៩ ចំនួន៤លានដូសបន្ថែមទៀតដែលកម្ពុជាបញ្ជាទិញពីចិន បានដឹកមកដល់កម្ពុជាហើយ ក្នុងនោះប្រភេទសុីណូហ្វាមចំនួន១លានដូស និងប្រភេទវ៉ាក់សាំងសុីណូវ៉ាក់ចំនួន៣លានដូស ដែលនាយករដ្ឋមន្ត្រីកម្ពុជាសម្តេចតេជោ ហ៊ុន សែន បានបញ្ជាទិញពីរដ្ឋាភិបាលចិន។
សម្តេចតេជោ ហ៊ុន សែន បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ប្រជាពលរដ្ឋកម្ពុជា និងជនបរទេសនៅកម្ពុជាផង សរុបជាង ៤.៧៩លាននាក់ ស្មើនឹងប្រមាណ ៤៧.៩៣% នៃចំនួនប្រជាពលរដ្ឋត្រូវចាក់វ៉ាក់សាំង បានចាក់វ៉ាក់សាំងរួចរាល់ កម្ពុជាបានក្លាយជាប្រទេសជាប់ចំណាត់ថ្នាក់លេខ២ នៅក្នុងអាស៊ាន ដែលចាក់វ៉ាក់សាំងជូនប្រជាពលរដ្ឋបានច្រើន។
សូមបញ្ជាក់ថា វ៉ាក់សាំងដែលកម្ពុជាទទួលបានសរុបចំនួន ១៦,០២៤,០០០ដូស
- ជំនួយពីរដ្ឋាភិបាលចិន (Sinopharm) ចំនួន ២,២០០,០០០ ដូស
- ការបញ្ជាទិញរបស់រាជរដ្ឋាភិបាល (Sinopharm) ៣,០០០,០០០ ដូស
- ជំនួយពីមជ្ឈមណ្ឌល COVAX (CoviShield) ចំនួន ៣២៤,០០០ ដូស
- ការបញ្ជាទិញរបស់រាជរដ្ឋាភិបាល Sinovac ចំនួន ១០,៥០០,០០០ ដូស៕
